Bugun.TV xəbər verir ki, uzunömürlülük üzrə ekspert Den Byuttner insanın nə qədər yaşayacağı ilə qidalanma arasında birbaşa əlaqə olduğunu bildirib.
Byuttnerin sözlərinə görə, sağlam qidalanmanın əsas prinsipi sadədir: səhər padşah kimi, günorta şahzadə kimi, axşam isə yoxsul kimi yemək lazımdır.
Ekspert vurğulayıb ki, insanların 100 yaş və daha çox yaşadığı “mavi zonalar” adlandırılan bölgələrdə səhər yeməyi adətən qidalı, sadə və liflə zəngin olur. O, səhər yeməyi üçün düyü və lobya, yaxud avokadolu tost kimi qidaları nümunə göstərib.
Günorta yeməyində isə keyfiyyətli zülala, mürəkkəb karbohidratlara, faydalı yağlara, tərəvəzlərə və süd məhsullarına üstünlük verilməsi tövsiyə olunur.
Byuttnerin sözlərinə görə, axşam yeməyi isə mümkün qədər yüngül olmalıdır. O, həmçinin günün son qidasının yatmazdan 2–3 saat əvvəl qəbul edilməsini məsləhət görüb.
Mənbə: Health Mail.ru