Bugun.tv xəbər verir ki, mütəxəssislər xroniki narahatlığın insan sağlamlığına ciddi təsir göstərə biləcəyini bildirərək bu vəziyyətin əsas əlamətlərini açıqlayıblar.
Psixoloqların sözlərinə görə, davamlı narahatlıq təkcə emosional vəziyyətə deyil, həm də fiziki sağlamlığa təsir edir. Xroniki narahatlığın ən çox rast gəlinən əlamətləri arasında yuxu pozuntuları, diqqətin cəmlənməsində çətinlik, daimi yorğunluq hissi və səbəbsiz gərginlik yer alır.
Mütəxəssislər bildirirlər ki, həzm sistemində yaranan problemlər, ürək döyüntülərinin sürətlənməsi, əzələ gərginliyi və baş ağrıları da uzunmüddətli stress və narahatlığın göstəricisi ola bilər.
Ekspertlərin fikrincə, davamlı neqativ düşüncələr, gələcəklə bağlı həddindən artıq qorxu və təhlükə hissi insanın gündəlik həyat keyfiyyətini aşağı salır. Bu hallar uzun müddət davam etdikdə peşəkar psixoloji dəstəyə müraciət etmək tövsiyə olunur.
Psixoloqlar qeyd edirlər ki, fiziki aktivlik, düzgün yuxu rejimi, sosial əlaqələrin qorunması və stressi idarə etməyə kömək edən fəaliyyətlər narahatlığın azalmasına müsbət təsir göstərə bilər.
Mənbə: mail.ru