Alimlər depressiyanın müalicəsi üçün yeni dərman namizədi hazırlayıb. VCU-1012 adlı bu maddə həm beynə müsbət təsir edir, həm də köhnə psixodeliklərin yaratdığı mədə problemlərini aradan qaldır.
İndiyə qədər psixodelik dərmanlar halüsinasiya və yan təsirləri ilə tanınırdı. Əsas problem ondaydı ki, dərman beyindəki 5-HT2A reseptorunu hədəfləyərkən, eyni zamanda mədədəki 5-HT3 reseptorunu da aktivləşdirir. Bu da ürəkbulanma və mədə ağrısına səbəb olurdu.
Virginia Commonwealth Universitetinin alimləri köhnə kipazin maddəsini yenidən dizayn edərək VCU-1012-ni yaratdı. Yeni birləşmə yalnız beyin reseptoruna təsir edir, mədə reseptoruna toxunmur.
Science Signaling jurnalında dərc olunan sınaqlarda siçanlara tək doza verildikdən 1 gün sonra depressiyaya bənzər davranış azaldı. Bundan əlavə dərman narahatlığı azaltdı və beyində “struktur plastikliyi” artırdı. Yəni beyin hüceyrələri arasında yeni əlaqələr yarandı.
Alimlər deyir ki, bu cür dəqiq hədəflənmiş dərmanlar gələcəkdə psixodelikləri yan təsirsiz müalicə vasitəsinə çevirə bilər.
Mənbə: Medical Xpress