Bugun.tv xəbər verir ki, ABŞ alimləri uzun müddət hərəkətsiz qalmağın və oturaq həyat tərzinin beyin fəaliyyətinə mənfi təsir göstərdiyini açıqlayıblar.
Araşdırma nəticələrinə görə, gün ərzində uzun saatlar oturaraq vaxt keçirən insanlarda yaddaş zəifləməsi və koqnitiv funksiyaların aşağı düşməsi riski artır. Xüsusilə fiziki aktivliyi az olan şəxslərdə yaşla bağlı beyin dəyişikliklərinin daha sürətli baş verdiyi bildirilib.
Mütəxəssislər qeyd ediblər ki, hətta müntəzəm idman edən insanlarda belə günün böyük hissəsini oturaq vəziyyətdə keçirmək sağlamlıq üçün təhlükə yarada bilər. Araşdırmada uzun müddət oturmağın beynin yaddaş və öyrənmə ilə əlaqəli hissələrinə təsir etdiyi vurğulanıb.
Alimlər insanların hər 30-40 dəqiqədən bir ayağa qalxmasını, qısa gəzintilər etməsini və gündəlik fiziki aktivliyi artırmasını tövsiyə edirlər.
Tədqiqatın nəticələri beynin sağlam qalması üçün yalnız idmanın deyil, gün ərzində hərəkətli həyat tərzinin də vacib olduğunu göstərib.
Mənbə: mail.ru