Bugun.tv xəbər verir ki, alimlər şəkərin həddindən artıq qəbulunun beyin fəaliyyəti üçün ciddi risk yarada biləcəyini açıqlayıblar.
“Gazeta.ru”nun yaydığı məlumata görə, son araşdırmalarda artıq şəkər istifadəsinin yaddaş, diqqət və sinir sistemi üzərində mənfi təsirlər yaratdığı bildirilib.
Mütəxəssislər qeyd edirlər ki, uzun müddət yüksək şəkər qəbul etmək beyində iltihab proseslərini sürətləndirə və idrak funksiyalarının zəifləməsinə səbəb ola bilər. Araşdırmada xüsusilə fast food, qazlı içkilər və yüksək şəkər tərkibli məhsulların risk yaratdığı vurğulanıb.
Alimlər balanslı qidalanmanın və şəkər qəbulunun normada saxlanmasının beyin sağlamlığının qorunması üçün vacib olduğunu bildiriblər.
Mənbə: Gazeta.ru