Billi Ayliş Londondakı konsertini yarımçıq dayandırmaq məcburiyyətində qalıb.
Bugün.tv “Deadline”a istinadən xəbər verir ki, müğənni bu addımı konsertə gələnlərin istidən təsirlənməsi səbəbində atıb.
Huşunu itirmiş bir neçə tamaşaçı izdiham tərəfindən əzilmək riski ilə üzləşib. Qonaqların durumundan narahat olan müğənni musiqini dayandıraraq tamaşaçılara üz tutub:
“Siz yaxşısınız? Görürəm ki, insanlar huşunu itiriblər. İstidir, bilirəm. Bir addım geri atın, hər kəsə bir az yer verin. Kimsə bir az halsız görünürsə, bu barədə xəbər verin”, – ifaçı bildirib.
Bir neçə dəqiqədən sonra Ayliş çıxışını davam etdirib.
