Bugun.tv xəbər verir ki, endokrinoloq Oskar Rosero ürək-damar sistemi və beyin sağlamlığını qorumaq üçün həftədə ən azı iki dəfə qaragilə (çernika) yeməyi tövsiyə edib.
Həkim Deia nəşrinə açıqlamasında bildirib ki, aparılan elmi araşdırmalar qaragilənin ürək-damar sistemi ilə yanaşı, beyin fəaliyyətinə də müsbət təsir göstərdiyini göstərir. Onun sözlərinə görə, bu giləmeyvə maddələr mübadiləsini normallaşdırmağa kömək edir.
Rosero qeyd edib ki, qaragilənin tərkibində çoxlu miqdarda antioksidantlar var. Bu maddələr hüceyrələri gündəlik zədələnmədən qoruyur, oksidləşdirici stressi azaldır və vaxtından əvvəl qocalmanın qarşısını almağa kömək edir.
Endokrinoloqun sözlərinə görə, qaragilənin müntəzəm qəbulu qan damarlarının fəaliyyətinin yaxşılaşmasına, qanda qlükoza səviyyəsinin daha yaxşı tənzimlənməsinə və idrak funksiyalarının qorunmasına müsbət təsir göstərə bilər.
Həkim bu faydalardan yararlanmaq üçün həftə ərzində ən azı iki ovuc qaragilə yeməyi tövsiyə edib.
Mənbə: mail.ru