Bugün.tv Sputnik Ermənistan-a istinadən xəbər verir ki, İrəvanın Fransa meydanında toplaşan Müqavimət müxalifət hərəkatının nümayəndələri şəhərin mərkəzindən keçərək Ermənistan Xarici İşlər Nazirliyinin binasına doğru gedirlər. Fəallar əllərində “Yeni təslim olmayacaq!”, “Nikol bizi təmsil etmir” və s. yazılar olan plakatlar tuturlar.
Xatırladaq ki, Rusiyanın xarici işlər naziri Sergey Lavrov hazırda Ermənistanda səfərdədir. Müxalifət nümayəndələri rusiyalı nazirə bildirmək istəyirlər ki, Ermənistanın baş naziri Nikol Paşinyanla imzalanan sazişlər hüquqi qüvvəyə malik deyil, çünki onların fikrincə, hazırkı hökumət başçısı erməni xalqının maraqlarını təmsil etmir.