Bu gün avtomobillə yol qəzasına düşən Türkiyənin tanınmış müğənnisi İbrahim Tatlısəs xəstəxanaya yerləşdirilib.
“İhlas” xəbər agentliyi xəbər verir ki, o, hadisə yerinə cəlb olunan xilasedicilərin köməkliyi ilə yararsız hala düşən avtomobildən çıxarılıb.
Tatlısəs digər 4 yaralı ilə birlikdə xəstəxanaya yerləşdirilib.
12.42
Türkiyənin tanınmış müğənnisi İbrahim Tatlısəs yol qəzasına düşüb.
“Hürriyet” xəbər verir ki, hadisə Bodrum şəhərində qeydə alınıb.
Sənətçinin içərisində olduğu mikroavtobus yük avtomobili ilə toqquşub və nəticədə yoldan çıxaraq dərəyə yuvarlanıb.
Hadisə yerinə xilasedicilər və təcili tibbi yardım briqadası cəlb olunub.
Müğənninin xəsarət aldığı və qızının da avtomobildə olduğu bildirilir.