“Beynəlxalq Ordu Oyunları-2022” çərçivəsində keçirilən “Dəniz kuboku” yarışında Azərbaycan, İran, Qazaxıstan və Rusiya komandaları döyüş poliqonunda “Üzən minada atəş” tapşırığını yerinə yetiriblər.
Yarışın şərtlərinə uyğun olaraq dənizçilər 16 güllədən istifadə etməklə gəmilərdən müəyyən məsafədə yerləşən üzən minaları məhv ediblər.
Azərbaycan hərbçiləri tapşırığı uğurla yerinə yetiriblər.
Təlim nəticəsində eyni xala malik Azərbaycan və Rusiya komandaları birinci, Qazaxıstan komandası ikinci, İran komandası isə üçüncü yeri tutmuşlar.