İki ildən artıqdır ölkədə Covid-19 infeksiyasının olmadığını iddia edən, lakin ilk yoluxma halını ötən ilin mayın 12-də rəsmən təsdiqləyən Şimali Koreya lideri Kim Çen In Covid-19 epidemiyasına qalib gəldiyini elan edib.
Epidemiya ilə mübarizədə əməyi olan səhiyyə sektorunun nümayəndələri ilə görüşən Kim, qələbədə əməyi olanları təbrik edib. Epidemiya və ictimai səhiyyə sektorları ilə mübarizədə çalışanları “qanları bahasına ölkənin və xalqın təhlükəsizliyini fədakarlıqla müdafiə edən cəsur cəbhəçilərlə” müqayisə edən Kim, Covid-19 ilə mübarizədə ön cəbhədə olanları “zəmanənin əsl vətənpərvərləri” kimi təsvir edib.
Şimali Koreyanın sosial sisteminin “dünyanın ən yaxşısı” olduğunu qeyd edən Kim bu səbəbdən insan həyatının etibarlı mühafizəçilərindən gözləntilərinin çox yüksək olduğunu əlavə edib.
Cənubi Koreya sərhədindən şarlarla göndərilən təbliğat broşürlərinin və xarici əşyaların Covid-19-u ölkəyə daşıdığını qeyd edən Şimali Koreya , Seulun sərhəddən göndərilən obyektlərin qarşısını ala bilməsə, qisas alacağı ilə hədələyib.
