4 C
Baku
23 Fevral 2024, 23:21
Baş xəbərİdman

“Qəbələ” və “Zirə” bu gün autsayderlərlə qarşılaşacaq

Bu gün futbol üzrə Azərbaycan Premyer Liqasında III turun daha 2 oyunu keçiriləcək.

Məlumata görə, günün ilk matçı Qəbələdə olacaq. Gəncə şəhər stadionunun tribunaları qəzalı vəziyyətdə olduğundan “Kəpəz” “Qəbələ”ni məhz rəqibin meydanında qəbul edəcək. Hazırda “qırmızı-qaralar” 6 xalla turnir cədvəlinin 3-cü pilləsində qərarlaşıb. Xalı olmayan “sarı-göylər” isə 9-cudur.

İki komanda indiyədək ölkə çempionatında 20 dəfə qarşılaşıb. Bunların 6-da “Kəpəz”, 9-da “Qəbələ” qalib gəlib. 5 görüşdə heç-heçə qeydə alınıb. Topların nisbəti də Elmar Baxşıyevin baş məşqçi olduğu komandanın xeyrinədir – 25:17.

Qəbələnin eyniadlı təmsilçisi son 3 oyunda qələbə qazanıb. Gəncə klubu isə son 2 matçda qol vurmayıb.

Digər matçda isə 3 xalla 5-ci sırada olan “Zirə” xalsız autsayder “Sumqayıt”ı sınağa çəkəcək. Bu, tərəflərin ölkə çempionatında 28-ci dueli olacaq. Əvvəlki görüşlərin 14-ü “qartallar”ın, 6-sı “gənclik şəhəri” təmsilçisinin xeyrinə başa çatıb. 7 qarşılaşmada qalib müəyyənləşməyib. Meydan sahiblərinin 35 qoluna qonaqlar 21 topla cavab veriblər.

“Zirə” son 4 oyunda qələbə qazanıb. “Sumqayıt” son 6 matçda qol vurmayıb.

Azərbaycan Premyer Liqası

III tur

21 avqust (bazar)

18:00. “Kəpəz” – “Qəbələ”

Hakimlər: Rauf Allahverdiyev, Zeynal Zeynalov, Vüsal Məmmədov, Rövşən Rəcəbov

Hakim-inspektor: Əmrah İbrahimov

Qəbələ şəhər stadionu.

20:00. “Zirə” – “Sumqayıt”

Hakimlər: Rəvan Həmzəzadə, Akif Əmirəli, Rahil Ramazanov, Cavid Cəlilov

Hakim-inspektor: Feyzulla Feyzullayev

“Dalğa Arena”.

Qeyd edək ki, turun əvvəlki 2 oyununda “Şamaxı” evdə “Səbail”lə 1:1 hesablı heç-heçə edib, “Neftçi” isə səfərdə “Sabah”a uduzub – 1:2. III turun “Turan Tovuz” – “Qarabağ” matçı isə “köhlən atlar”ın Çexiyada “Viktoriya” (Plzen) komandasına qarşı keçirəcəyi UEFA Çempionlar Liqasının pley-off mərhələsinin cavab oyununa daha yaxşı hazırlaşa bilməsi səbəbindən təxirə salınıb.

Aynur Camal

Oxşar xəbərlər

“Autizm və Mən” adlı konfrans keçiriləcək

Bugün TV

Adapterlə ev yandı!

Bugün TV

Çeçenistan rəhbəri Kadırov Ukraynada hərbi əməliyyatın son tarixini açıqlayıb

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu