Səudiyyə Ərəbistanının milli neft şirkəti Saudi Aramco-nun keçmiş maliyyəçisi Şeyla əl-Ruvayli krallığın mərkəzi bankının direktorlar şurasında işləyən ilk qadın olub. Bugün.tv bildirir ki, bu barədə krallığın Mərkəzi Bankının bəyanatına istinadən “Al Arabiya” telekanalı məlumat yayıb.
Telekanalın məlumatına görə, Səudiyyə Ərəbistanının kralı Salman bin Əbdüləziz Əl Səud qeyri-dövlət işçilərinin krallığın Mərkəzi Bankının direktorlar şurasının üzvü təyin olunmasına razılıq verib. Şeyla ər-Ruveyli ilə birlikdə şuraya daha 4 nəfər daxil olub.
Sheila al-Ruwaili karyerasına 1998-ci ildə Saudi Aramco-da başlayıb. Həmin vaxtdan o, orada bir sıra rəhbər vəzifələrdə, o cümlədən Xəzinədarlıq Departamentində Maliyyə Risklərinin İdarə Edilməsi üzrə Direktor (2016-2017) və Qlobal Təhlil şöbəsinin müdiri (2018-2019) vəzifələrində çalışıb. 2019-cu ilin yanvar ayından Sheila al-Ruwaili beynəlxalq investisiya şirkəti Wisayah Investment Company-nin (Saudi Aramco-nun törəmə şirkəti) baş direktorudur.
2018-ci ildə əl-Ruwaili MBA dərəcəsini Massaçusets Texnologiya İnstitutunda (ABŞ) alıb.