“Zəngəzur dəhlizi Azərbaycana Avrasiyada logistika mərkəzinə çevrilməyə imkan verəcək”.- bunu Azərbaycan Respublikası Hökuməti ilə Rumıniya Hökuməti arasında ticarət-iqtisadi əlaqələr və elmi-texniki əməkdaşlıq üzrə Birgə Komissiyanın 6-cı iclasında xarici işlər nazirinin müavini Mahmud Məmməd-Quliyev bildirib.
Nazir müavini qeyd edib ki, Azərbaycan münaqişədən sonrakı dövrdə öz prioritetlərini dəqiq müəyyən edib.
“Azərbaycanın prioritetlərinə yenidənqurma, əməkdaşlıq və davamlı sülh daxildir. Azərbaycan Zəngəzur dəhlizinin açılması üçün əlindən gələni etməyə davam edir, ölkənin Avrasiyada logistika mərkəzinə çevrilməsinə imkan verəcək”.
Məmməd-Quliyev, həmçinin Azərbaycan ilə Rumıniya arasında əlaqələrin uğurla inkişaf etdiyini vurğulayıb. “Biz Rumıniya vasitəsilə Aİ ilə əlaqələrimizi genişləndirmək niyyətindəyik”, – o əlavə edib/