22 C
Baku
Sentyabr 26, 2022
Baş xəbərTexnologiya

iPhone 14 təqdim olunub-video

Amerikanın “Apple” korporasiyası dörd yeni smartfon təqdim edib.

Bugün.tv “Report”a istinadən xəbər verir ki, korporasiyanın yeni məhsullarına iPhone 14 və iPhone 14 Pro və böyüdülmüş modellər – müvafiq olaraq 6,1 və 6,7 düym diaqonalları olan iPhone 14 Plus və iPhone 14 Pro Max daxildir.

Bütün modellər daha yüksək performans üçün temperatur tənzimləmə texnologiyası ilə təchiz olunub və konfiqurasiyadan asılı olaraq bir şarjla 24 saat və ya daha çox işləyə bilər.

Foto və video çəkmək funksiyaları da genişlənib. Beləliklə, silkələnmə zamanı şəkli daha yaxşı sabitləşdirmək üçün hazırlanmış Action Mode hazırlanıb. iPhone 14 və iPhone 14 Plus smartfonları 12 meqapiksellik ön kamera ilə təchiz edilib.

Yeni funksiyaya gəlincə, peyklər şəbəkəsi vasitəsilə təcili xidmətlərə zəng etmək mümkündür. Texnologiyadan istifadə etmək üçün smartfonu yeni xəttdən konkret peykə yönəltmək lazımdır ki, bu da istifadəçinin rahatlığı üçün xüsusi quraşdırılmış “xəritə”də göstəriləcək.

Həmçinin, elan edildiyi kimi, smartfon modellərində SİM kart yuvası olmayacaq, lakin müxtəlif operatorlar arasında keçidlə “eSIM” dəstəyi olacaq.

Bütün yeni iPhone-lar, eləcə də yeni Apple Watch xətti avtomobil idarə edərkən yolda fövqəladə halları izləmək imkanına malikdir.

iPhone 14 Pro və iPhone 14 Pro Max modelləri enerji səmərəliliyini, həmçinin ekran və kamera imkanlarını yaxşılaşdıran yeni A16 çipinə malikdir.

Dynamic Island adlı yeni bildiriş animasiyaları da var. Qurğuların 48 meqapiksellik ön kamerası inqilabi xarakter daşıyır – o, hər bir fotoşəkildə təxminən 4 trilyon əməliyyat yerinə yetirir.

Təqdim olunan qurğular mobil operatorların əhatə dairəsi olmadıqda işləyəcək peyklər vasitəsilə fövqəladə rabitə funksiyasını dəstəkləyir.

“iPhone 14” 799 dollar, “iPhone 14 Max” 899 dollardır. Öncədən sifarişlər sentyabrın 9-dan qəbul ediləcək, smartfonlar isə sentyabrın 16-da satışa çıxarılacaq.

Sentyabrın əvvəlində Apple cihazın təkmilləşdirilməsi ehtiyacı fonunda yeni smartfonların uğurlu satışını proqnozlaşdırmışdı.

Oxşar xəbərlər

Qəza hadisəsi baş verib -video

Aynur Camal

Almaniya nəşri Nobel mükafatı laureatı olmuş məşhur bakılı alimdən yazıb

Aynur Camal

Türk Azerbaycanda minaya düşdü

Könül Kərimova