Bugün.TV-nin Tərtər bölgəsi üzrə əməkdaşının verdiyi məlumata görə Vətən müharibəsində Talış kəndi istiqamətində gedən döyüşlərdə ağır yaralanaraq uzun müddət koma vəziyyətində qalan N saylı hərbi hissənin qulluqçusu Qəhramanlı Yaqub Abdulla oğlu şəhidlik zirvəsinə ucalıb. Xatırladaq ki, o, 14 sentyabr 1993-cü ildə Tərtər rayonunun Dəmirçilər kəndində anadan olmuşdu. Şəhid doğulduğu kənddə torpağa tapşırılıb.
Şəhidin dəfin mərasimində Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, şəhidin xidmət etdiyi hərbi hissənin əsgər və zabitləri, Şəhid ailələrinin üzvləri, qazilər veteranlar, ictimaiyyət nümayəndələri, rayon sakinləri iştirak ediblər.
