Ukraynanın xarici işlər naziri Dmitri Kuleba Almaniyanın müdafiə naziri Kristina Lambrextlə söhbəti zamanı özündən çıxıb. Bugün.tv xəbər verir ki, bunu “Die Welt” qəzeti Kiyevdəki hökumət mənbələrinə istinadən yazır. Nəşrin yazdığına görə, söhbət “kəskin” olub. Söhbət Kulebanın G7 xarici işlər nazirlərinin görüşünə səfəri çərçivəsində baş tutub. “Die Welt “yazır ki, Kuleba Lambrextdən vəd edilmiş zenit Gepard özüyeriyən silahlarının Kiyevə nə vaxt veriləcəyi sualına “dürüst” cavab istəyib.
Ukrayna departamentinin rəhbəri Gepard üçün sursatın tez çatdırılmasını təşkil etməyi və ya “mövzunun qapalı olduğunu” və söhbətin “yeni layihələrə” cəmlənməsini təsdiq etməyi tələb edib. “Die Welt” bildirib ki, söhbət “çətin” olub. Qəzet Kulebanın “həqiqətən də qəzəbləndiyini” yazır.
Nazir Lamberxt-ə deyib ki, “sursat olmadığını bilə-bilə nəyinsə elan olunması ” “yaxşı deyil”. Almaniya Müdafiə Nazirliyi görüşün məxfiliyini əsas gətirərək bu bəyanatları şərh etməkdən imtina edib. Xatırladaq ki, Polşa xarici işlər nazirinin müavini Şimon Şinkovski vel Senk Berlinin Gepard ZSU-nun Ukraynaya verilməsi qərarını ilk addım kimi qiymətləndirib . Onun sözlərinə görə, bu, “kafi deyil”. Ukraynanın Almaniyadakı səfiri Andriy Melnik Ukraynanın “ən müasir alman silahlarına” ehtiyacı olduğunu, Almaniya hökumətinin vəd etdiyi “Gepard” zenit silahlarının isə artıq 40 yaşı olduğunu bildirib
Kuleba Almaniya Müdafiə Nazirliyinin rəhbəri ilə söhbət zamanı özündən çıxıb.
