18 C
Baku
Oktyabr 7, 2022
Baş xəbərSiyasət

Türkiyə, İsveç və Finlandiya memorandum imzaladı: NATO-ya üzvlük yolu iki ölkə üçün açıldı

Türkiyə, İsveç və Finlandiya arasında Finlandiya və İsveçin NATO-ya üzvlük proseslərinə dair üçtərəfli memorandum imzalanıb.

Memorandumu xarici işlər naziri Mövlud Çavuşoğlu, Finlandiyanın xarici işlər naziri Pekka Haavisto və İsveçin xarici işlər naziri Anne Linde imzalayıb.

Prezident Rəcəb Tayyib Ərdoğan, Finlandiya Prezidenti Sauli Niinisto və İsveçin Baş naziri Maqdalena Andersson NATO Sammitinin keçirildiyi Madriddəki İFEMA Sərgi Mərkəzində imzalanma mərasimində iştirak ediblər.

İmzalanma mərasimində memorandumla bağlı heç bir açıqlama verilməyib. Yaxın vaxtlarda memorandumla bağlı elanın veriləcəyi gözlənilir.

Xəbər agentlikləri Finlandiya və İsveçin PKK və onun törəmə qruplarına qarşı mübarizədə Türkiyə ilə tam əməkdaşlıq barədə razılığa gəldiyini yazıb.

NATO-nun baş katibi Yens Stoltenberq bildirib ki, İsveç Türkiyənin silahlı şübhəlilərin ekstradisiyası tələbləri üzərində işi gücləndirməyə razılaşıb.

Onun sözlərinə görə, iki Skandinaviya ölkəsi də Türkiyəyə silah satışı ilə bağlı məhdudiyyətləri aradan qaldıracaq.

Finlandiya prezidenti Niinisto deyib ki, üç ölkə “bir-birinin təhlükəsizliyinə təhdidlərə qarşı tam dəstəyini artırmaq üçün” birgə memorandumu imzalayıb.

İsveçin baş naziri Maqdalena Andersson bunun “NATO üçün çox vacib addım olduğunu” deyib. 

Bugün.tv

Oxşar xəbərlər

Prezident İlham Əliyev Türkiyədə rəsmi səfərdədir

Aynur Əfəndi Zadə

III Çarlz rəsmi şəkildə Britaniya Kralı elan olunub

Aynur Camal

ABŞ və Aİ ölkələri Ukrayna ilə bağlı BMT Təhlükəsizlik Şurasının çağırılmasını tələb edirlər

Sabina Uğur