Ukraynanın Donetsk və Luqansk vilayətlərində müvəqqəti işğal olunmuş ərazilərin qondarma “müstəqilliyini” tanıdığı üçün Ukrayna Şimali Koreya ilə diplomatik münasibətləri kəsib.
“Biz bu qərarı Pxenyanın Ukraynanın suverenliyinə və ərazi bütövlüyünə xələl gətirmək cəhdi, Ukrayna Konstitusiyasının, BMT Nizamnaməsinin və beynəlxalq hüququn fundamental norma və prinsiplərinin kobud şəkildə pozulması kimi qiymətləndiririk”, – bəyanatda deyilir.
“Bu cür qeyri-dost hərəkətə cavab olaraq, Ukrayna Koreya Xalq Demokratik Respublikası ilə diplomatik münasibətləri kəsdiyini elan edir. KXDR ilə siyasi və iqtisadi əlaqələr bu ölkəyə qarşı tətbiq edilən beynəlxalq sanksiyalara görə dayandırılıb”, – məlumatda deyilir.
