Avropa İttifaqının xarici siyasət rəhbəri Josep Borrell bu səhər BBC Radio 4-ə bu haqda danışıb.
Bəzi ukraynalıların son həftələrdə Avropaya dəstəyin zəifləməsi ilə bağlı ifadə etdikləri qorxu ilə bağlı suala o, belə cavab verib:
“Biz Rusiya neftinin idxalını qadağan etmişik. 90%-dən çoxu dayandırılacaq. Və biz hərbi dəstək verməyə davam edəcəyik”. “Bizim Rusiyanın neft gəlirlərinin 90%-ni azaltdığımız faktdır ”, deyə o əlavə edib.
Silahların tədarükü ilə bağlı isə, bildirib ki, Ukraynaya silah axını yüksək templə davam edir. “Biz bunu artıra bilərik, hər şeyi artıra bilərik. Düşünürəm ki, Ukraynaya silah tədarükü ilə bağlı heç bir problem yoxdur”.