Bugün.tv Azərbaycan Müdafiə Nazirliyinə istinadən xəbər verir ki, Rusiya Federasiyasının Alabino hərbi poliqonunda 2022-ci il Beynəlxalq Ordu Oyunları çərçivəsində keçiriləcək Tank Biatlonu yarışlarında iştirak edəcək Azərbaycan tankçıları təlimlərini davam etdirirlər. .
Azərbaycan hərbçiləri beynəlxalq yarışda istifadə olunacaq tankların texniki vəziyyətinə baxış keçirib, döyüş maşınlarının standart silahlanmasından sıfırlama işləri həyata keçirib.
General-mayor İlqar Lətifov Azərbaycan tankçıları ilə görüşüb və Müdafiə Nazirliyinin rəhbərliyi adından onlara yarışda ölkəmizi təmsil etməkdə uğurlar arzulayıb.
Qeyd edək ki, Tank biatlonu yarışında Monqolustan komandası ilə mübarizə aparacaq Azərbaycan tankçılarının ilk yarışı avqustun 13-də başlayacaq.
