Azərbaycan Müdafiə Nazirliyindən verilən məlumata görə, cari ilin tədris dövrünün planına uyğun olaraq Azərbaycan Hərbi Hava Qüvvələrinin döyüş təyyarələri və helikopterləri təlim uçuşları həyata keçirir.
Hərbi pilotların döyüş vərdişlərinin təkmilləşdirilməsi məqsədilə keçirilən təlimdə aviasiya vasitələri əvvəlcədən müəyyən edilmiş marşrutlar üzrə uçuşlar həyata keçirilir.
Təlimlərdə pilotlar havaya qalxma və eniş, aşağı və orta hündürlükdə manevrlərin yerinə yetirilməsi, saxta düşmənin yer hədəflərinin koordinatlarının müəyyən edilməsi, hava kəşfiyyatının aparılması tapşırıqlarını uğurla yerinə yetiriblər.