19 C
Baku
Sentyabr 28, 2022
Baş xəbərSosial

Göyçay sakini şəxsi torpağından istifadə edə bilmir

Bugün.tv-yə yə Göyçay rayonundan şikayət daxil olub. Şikayətçi Piriyev Seymur Ənsər oğlu Göyçayın Qarabağlar kənd sakinidir. Onun sözlərinə görə qanunla, sənədli əmlak payı var. Lakin həmin torpaqdan istifadə edə bilmir. “Çünki həmin əraziyə gedən yol yoxdu. Torpaq sahəsində əkdiyim hər şey batır. Təsərrüfatı becərə bilmirəm, tələf olub gedir”.

Seymur Piriyevin pay torpağına birbaşa gedişi yoxdu. Buna görə də qonşuların bağından keçməli olur.

“54 sot torpağım var. Ancaq yol probleminə görə istifadə edə bilmirəm. Çəkdiyim əziyyətlər hədər olur”.

Şikayətçi iddia edir ki, əsas yolu kəndin bələdiyyəsi Vəliyev Bəhman Dədəqulu oğlu zəbt etdiyindən onunu ailəsinə maddi və mənəvi ziyan dəyir. Bununla yanaş digər ərazi sahibləri də S.Piriyevin gediş-gəlişinə mane olurlar.

Dəfələrlə özü və şəkər xəstəsi olan vaildeyni Göyçay rayon icra başçısına, səlahiyyətli şəxslərə və yerli icra nümayəndəliyinə müraciətlər etsələr də, problem öz həllini tapmayıb.

“Bir dəfə müraciət etdiyimiz zaman anamın əsəbindən ürəyi getdi. Təcili yardım vasitəsilə xəstəxanaya aparmalı olduq. Zorla həyata qaytara bildik”.

Seymur Piriyevin şikayəti ilə bağlı Göyçay rayon Qarabağlar kəndinin icra nümayəndəsi ilə əlaqə yaratdıq. Sözügedən qurumdan Bugün tv-yə bildirdilər ki, pay torpaqlarının dövlət vəsaiti hesabına sənədləşdirilməsi üzrə islahatlar gedir, qanun təsdiqini tapan kimi S.Piriyevin müraciətinə yenidən baxılacaq.

 

 

Oxşar xəbərlər

“Bir günlük bəy axtarışı”

Aynur Camal

Həmkarlarımızın şəhadətə yükşəlişindən bir il ötür

Aynur Əfəndi Zadə

Koronavirus infeksiyası laxtalanma sistemində dəyişikliyə səbəb ola bilər

Aynur Camal