4 C
Baku
5 Fevral 2023, 5:59
İqtisadiyyat

Ölkənin ən böyük elektrik stansiyalarından olan “Cənub” ES əsaslı təmir edilib.

Cənub elektrik stansiyası

“AzərEnerji” ASC-nin mətbuat xidmətindən verilən məlumata görə 2013-cü ildə Şirvan şəhərində tikilərək istismara verilən, ölkənin ən böyük elektrik stansiyalarından olan 2 bloklu 780 meqavatlıq “Cənub” Elektrik Stansiyasının 2-ci bloku “AzərEnerji” tərəfindən əsaslı təmirə çıxarılıb. Qeyd edək ki, istismar normativlərinə görə “Cənub” Elektrik Stansiyasının birinci bloku 2018-ci ildə əsaslı təmir ediləndən sonra “itirilmiş” güclər bərpa edilmişdi və indi də ikinci blok əsaslı təmir edilməklə analoji nəticə alınır. Belə ki, stansiyanın ikinci blokunun buxar və qaz turbinləri, util-qazanları, transformatorları, generatorları və köməkçi avadanlıqları  əsaslı təmir edilərək stansiyanın istismar müddəti uzadılır, etibarlıq və dayanıqlıq bərpa edilməklə “itirilmiş” güclər bərpa olunur.

“AzərEnerji”nin İctimaiyyətlə əlaqələr və media mərkəzinin rəisi Teymur Abdullayev bildirib ki, əvvəllər stansiyaların əsaslı təmiri xarici şirkətlər tərəfindən aparılırdısa, “Cənub” Elektrik Stansiyasında bu dəfə aparılan əsaslı təmir işləri əsas etibarı ilə “AzərEnerji”nin yerli mütəxəssisləri tərəfindən həyata keçirilib. 

Qeyd edək ki, 2018-ci ildən başlayaraq ölkədəki 12 ən böyük elektrik stansiyasında yenidənqurma, təmir və bərpa işləri aparılmaqla 1000 meqavatdan artıq “itirilmiş” güc bərpa edilib.

Oxşar xəbərlər

Azərbaycanda ilk dəfə meşədən yığılan – ODUNCAQLAR HƏRRACA ÇIXARILIB – HƏCMLƏR, QİYMƏTLƏR, FOTOLAR

Aynur Camal

Azərbaycan, İran və Rusiya beynəlxalq nəqliyyat dəhlizini müzakirə edəcəklər

Aynur Camal

Prezident İlham Əliyev Bərdə-Ağdam avtomobil yolunda görülən işlərin gedişi ilə tanış olub

Sabina Uğur

Şərh yazın