Qeyri hökumət təşkilatlarının (QHT) insan alverinə qarşı mübarizə koalisiyasının üzvləri Bakıda və Sumqayıtda aksiya keçirdilər.
İnsan alverinə qarşı mübarizə koalisiyasının üzvləri- “XXI Əsrin Qadınları” ictimai birlihinin sədri Mahirə Əmirhüseynova və “Sosial İqtisadi İnkişaf Uğrunda” İctimai Birliyinin sədri Sevda Məmmədova, Rasional İnkişaf Uğrunda Qadınlar Cəmiyyətinin sədri Şəhla İsmayıl Beynəlxalq İnsan Alverinə Qarşı Mübarizə günündə marifləndirici kampaniya aparıblar.
“İki sahil” Bugün.tv-ə verdiyi xəbərə görə, Bakının İçəri şəhər, Fəvvarələr meydanı, Dənizkənarı Milli Park və Sumqayıtın Nəsimi parkı kimi insanların sıx toplandığı yerlərdə təşkilat üzvləri və könüllülər vətəndaşlara bukletlər paylayıb, insan alveri və qaynar xətt haqqında məlumat veriblər.
QHT fəlları insan alveri qurbanına çevrilməmək üçün vətəndaşlara mübarizə metodlarından da danışıblar.
