22 C
Baku
Sentyabr 26, 2022
Baş xəbərDigər

Türkiyənin 41 şirkəti Bakıda sualtı qayıq, mini-PUA sistemləri sərgiləyəcək

Türkiyə müdafiə sənayesinin qabaqcıl şirkətlərindən olan STM, habelə daha 40 şirkət Azərbaycanda keçiriləcək müdafiə sənayesi yarmarkalarında hərbi dəniz platformaları və taktiki mini-PUA sistemlərini nümayiş etdirəcək.

“Report”un xəbərinə görə, bu gündən 8 sentyabradək Bakı Ekspo Mərkəzində Cənubi Qafqaz və Mərkəzi Asiya regionunun mühüm müdafiə sərgilərindən biri olan Azərbaycanın beynəlxalq müdafiə sənayesi sərgisi “ADEX 2022” keçiriləcək. STM bu il 4-cü dəfə keçiriləcək ADEX sərgisində ilk dəfə kiçik ölçülü milli sualtı qayıq STM500-ü nümayiş etdirəcək.

Türkiyənin son illər böyük irəliləyiş əldə etdiyi müdafiə sənayesində mühüm rol oynayan müdafiə texnologiyaları mühəndisliyi və ticarət şirkəti yenilikçi və milli sistemlərini xaricdə nümayiş etdirməyə davam edir. STM həmçinin Avropa və Asiyada iki mühüm sərgidə yerini tutaraq hərbi dəniz layihələrini və taktiki mini İHA sistemlərini nümayiş etdirəcək.

“ADEX 2022” sərgisində Türkiyədən ümumilikdə 41 müdafiə sənayesi şirkəti – ASELSAN, TUSAŞ, HAVELSAN, OTOKAR, MKE AŞ, ROKETSAN, “Sarsılmaz”, ASFAT, BMC, “Altay Software”, “Armelsan”, ASSAN, “Ata Arms”, “Ayesaş”, “Berkin Engineering”, “BLG Defence”, “Dearsan”, “Dorce”, HTR, İŞBİR, “Karel”, “Kzko”, “Lentatek”, “Maren Robotics”, “Masttech”, MILSOFT, “Nanografi”, “NUROL Technology”, “Profen”, “Sağlam Metal”, “SAHA İstanbul”, “Samsun Yurt Savunma”, SDT, SIMSOFT, STM, TAIS, TARGET ATIS SIS, TİSAŞ, “Titra”, TURMAKS və UNIMETAL iştirak edəcək.

Sərgidə həmçinin Türkiyədə istehsal olunan pilotsuz uçuş aparatları, nəqliyyat vasitələri, rabitə infrastrukturları nümayiş olunacaq.

Qeyd edək ki, Türkiyənin Baş Qərargah rəisi ordu generalı Yaşar Güler Azərbaycanda səfərdədir. İşgüzar səfər çərçivəsində ordu generalının “ADEX 2022” dördüncü Azərbaycan beynəlxalq müdafiə sərgisini ziyarət etməsi və bir sıra görüşlərin keçirilməsi planlaşdırılır.

Oxşar xəbərlər

İqlim dəyişikliyi ilə mübarizə üçün sərgi keçirilir

Aynur Camal

Şimali Koreya raket zərbələri endirir

Sabina Uğur

Şuşa UNESCO-nun İrs Siyahısına salınacaq.

Nur Ali