Bugün.tv “Anadolu” agentliyinə istinadən xəbər verir ki, Türkiyə prezidenti Rəcəb Tayyib Ərdoğan səfirlərin təyin olunmasından sonra Türkiyə ilə İsrail arasında münasibətlərin “yeni təkan” alacağını bildirib.
Türkiyə Rabitə Qurumunun məlumatına görə, Ərdoğan və israilli həmkarı İsaak Hersoq telefonla ikitərəfli münasibətləri və regional məsələləri müzakirə ediblər.
Söhbət zamanı Ərdoğan deyib ki, o, səfirlərin qarşılıqlı təyinatı ilə bağlı qərarı Türkiyə-İsrail münasibətlərinin müsbət inkişafı istiqamətində “vacib addım” hesab edir.
Ərdoğan Herzoqa bildirib ki, Türkiyə qarşılıqlı hisslərə hörmət əsasında əməkdaşlıq və dialoqun inkişafının tərəfdarıdır.
Bu həftənin əvvəlində Türkiyə və İsrail dörd ildən artıq müddətdə diplomatik münasibətləri tam bərpa etmək və səfirləri yenidən təyin etmək qərarına gəliblər.