Zəngilan rayonunun Ağalı kəndinin yerli sakinləri arasında onların sosial-iqtisadi, demoqrafik vəziyyətini, mövcud gəlir səviyyəsini, məşğulluğunu və ehtiyaclarını müəyyən etmək məqsədilə sorğular aparılır.
Respondentlər 16 yaşdan 63 yaşa qədər olan vətəndaşlardır.
Dövlət Komitəsinin BMT-nin Qaçqınlar üzrə Ali Komissarlığının İdarəsi ilə birgə təşkil etdiyi sorğular, müsahibələr və fokus qrup görüşləri Ağəli kəndinin yerli sakinlərinin məskunlaşdığı Bakı, Sumqayıt, Abşeron və Beyləqan rayonlarında keçirilir.
Ağalı kəndi ağıllı kənd konsepsiyası əsasında salınıb. Ağalı kəndində müasir şəhərsalma standartları tətbiq edilib. Ağıllı küçə işıqlandırması, istiliyə və şaxtaya davamlı mənzillərin tikintisi, tullantıların idarə edilməsi və günəş panellərinin quraşdırılması kimi amillər bu konsepsiyanın bir hissəsidir.