24 C
Baku
Sentyabr 26, 2022
Baş xəbərİqtisadiyyat

Azərbaycan, İran və Rusiya beynəlxalq nəqliyyat dəhlizini müzakirə edəcəklər

Azərbaycan-İran-Rusiya hökumət rəsmilərinin üçtərəfli görüşünün müzakirə mövzuları açıqlanıb. Üç ölkə Şimal-Cənub beynəlxalq nəqliyyat dəhlizini müzakirə edəcəklər.

Bu barədə İranın Azərbaycandakı fövqəladə və səlahiyyətli səfiri Seyid Abbas Musəvi bildirib.

“İran-Azərbaycan-Rusiya arasında keçiriləcək üçtərəfli görüşdə tranzit və gömrük məsələləri, həmçinin Şimal-Cənub beynəlxalq nəqliyyat dəhlizi marşrutlarının şaxələndirilməsi, eləcə də İranın nəqliyyat naziri ilə Azərbaycanın rəqəmsal inkişaf və nəqliyyat nazirinin görüşundə dəmir yolu terminalı, yeni sərhəd körpüsü layihələrin son vəziyyəti nəzərdən keçiriləcək”, – səfir vurğulayıb.

Səfir görüşün vaxtını açıqlamayıb.

Seyid Abbas Musəvi Astara (İran) şəhərinin meri və bu şəhərin İran parlamentindəki deputatı ilə Astaraçay çayı üzərindəki körpü və yük dəmir yolu stansiyasına baş çəkib. İran-Azərbaycan sərhədindəki bu obyektlər hazırda inşa olunmaqdadır.

Qeyd edək ki, Astara (Azərbaycan) – Astara (İran) dəmir yolu xətti Şimal-Cənub beynəlxalq nəqliyyat dəhlizinin əsasını təşkil edir.

Bildirilir ki, nəqliyyat dəhlizi yaxın vaxtlarda İran, Azərbaycan və Rusiyanın dəmir yolu şəbəkələrini birləşdirəcək. Astaraçay çayı üzərindən keçən körpü də Şimal-Cənub dəhlizinə birləşdiriləcək.

Oxşar xəbərlər

Azərbaycanda xüsusi təyinatlıların döyüş hazırlığına xüsusi diqqət yetirilir (VİDEO)

Sabina Uğur

Sahibə Qafarova qadın parlament sədrlərini minalarla bağlı məsələyə diqqət yetirməyə çağırıb

Aynur Camal

Diqqət! Diqqət! Vətəndaşların nəzərinə: aldadıla bilərsiniz!

Aynur Camal