4 C
Baku
24 Fevral 2024, 0:38
DigərSiyasət

Bakıda keçiriləcək Formula 1 yarışına ən çox hansı ölkələrin vətəndaşları bilet alıb?

Azərbaycan vətəndaşları Formula 1 Azərbaycan Qran Prisi üçün alınan biletlərin sayına görə ilk üçlük sırasındadır. Bugün.tv xəbər verir ki, bunu Bakı Şəhər Halqası Əməliyyat Şirkətinin (BŞH) mətbuat xidmətinin rəhbəri Turab Teymurov deyib. Alınan biletlərin sayına görə ilk üçlükdə ABŞ, Böyük Britaniya və Azərbaycan vətəndaşları yer alıb . Onları Danimarka, Norveç və İspaniya davam etdirib .
Neftçilər prospektində yerləşən podiuma artıq bilet yoxdur. 2022 Formula 1 Azərbaycan Qran Prisi iyunun 10-dan 12-dək keçiriləcək. Qarşıdan gələn yarış 2019-cu ildən bəri ilk dəfə tamaşaçıların iştirakı ilə keçiriləcək. Ötən il Bakı mərhələsi koronavirus pandemiyası səbəbindən tamaşaçısız keçirilib, 2020-ci ildə isə eyni pandemiya səbəbindən Qran Pri baş tutmayıb.
“Kral yarışları”nın Bakı mərhələsinin qalibi aşağıdakı sürücülər olub: Niko Rosberq (2016, Mercedes), Daniel Rikkardo (2017, Red Bull), Lyuis Həmilton (2018, Mercedes), Valtteri Bottas (2019, Mercedes), Serxio Peres (2021, Red Bull). Onu da qeyd edək ki, Azərbaycan Qran Prisi çərçivəsində bir vaxtlar Lyuis Hamilton, Çarlz Lekler, Corc Rassel, Landro Norris və başqa ulduzların F 1-ə düşməsi üçün tramplin rolunu oynayan Formula 2 yarışları da keçiriləcək. .

Bugün TV

Oxşar xəbərlər

İranın regional maraqlarına ictimai münasibət – Rəy sorğusu

Nigar Məmmədova

Ə.Əlibəyli: “İranın məntiqi: Terror adlandırılması üçün səfir öldürülməli imiş”

Şükufə Ramizqızı

Pakistanlı gənc fəal Prezident İlham Əliyevlə görüşündən danışdı

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu