“Şübhəsiz ki, Azərbaycan və Ermənistan arasında münasibətlərin normallaşdırılmasına dair razılaşmalar əldə olunacaq. Rusiya bunu tam dəstəkləyir”.
Bugün.tv Tass-a istinadən xəbər verir ki, bu fikirləri Rusiya xarici işlər naziri Sergey Lavrov ermənistanlı həmkarı Ararat Mirzoyanla görüşündən sonra keçirilən mətbuat konfransında bildirib.
Rusiyalı nazirin sözlərinə görə, Bakı və İrəvanın indiki mərhələdə necə qarşılıqlı fəaliyyət göstərəcəyinə dair öz xüsusi baxışları var.
“Sərhədin delimitasiyası üzrə iki komissiyanın – Ermənistan və Azərbaycan komissiyasının belə bir təsis iclasının baş tutmasından çox şadıq. Sülh müqaviləsi vaxtilə Azərbaycanın təqdim etdiyi təkliflərə əsaslanır. Buna cavab olaraq Ermənistan öz baxışını təqdim etdi” – deyə o, sözlərini yekunlaşdırıb.