20 C
Baku
Oktyabr 1, 2022
Baş xəbərMədəniyyət

Rusiyada Gülnarə Xəlilovanın “Xarıbülbül” və “Qarabağ” kolleksiyaları təqdim olunacaq

 

Bugün.tv  xəbər verir ki, “Kazan Kremlin” muzey-qoruğunda tanınmış modelyer-dizayner, Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilovanın “Xarıbülbül” və “Qarabağ” kolleksiyaları təqdim olunacaq.

Defile 2 avqustdan 5 avqustadək Kazanda (Tatarıstan) keçiriləcək ikinci Etno – Fashion xalq yaradıcılığı və Dekorativ – Tətbiqi İncəsənət Festivalı “Həyat tərzi – Mədəni kod” çərçivəsində nümayiş olunacaq. Bu il festival Rusiyanın 24 regionundan, həmçinin Qırğızıstan, Türkmənistan, Qazaxıstan, Tacikistan, Özbəkistan və digər ölkələrdən 30 dizayner iştirak edir. Tanınmış dizaynerlərin yaradıcılıq görüşləri və ustad dərsləri təqdim olunacaq.

Festival Rusiyanın Sənaye və Ticarət Nazirliyi, Tatarıstan Respublikası Hökuməti, Tatarıstan Respublikası Mədəniyyət Nazirliyi və Avrasiya Etnodizaynerlər Assosiasiyasının dəstəyi ilə təşkil olunub.

Qeyd edək ki, Gülnarə Xəlilovanın kolleksiyaları ABŞ, Böyük Britaniya, İsveç, Avstriya, Rumıniya, Türkiyə, Rusiya, Çin, Qazaxıstan, Qırğızıstan, Özbəkistan, Bolqarıstan, Norveç və digər ölkələrdə keçirilən moda həftələrində və beynəlxalq tədbirlərdə uğurla nümayiş etdirilib.

Oxşar xəbərlər

Salyanda nələr baş verir?

Aynur Camal

Çempionlar Liqası: “Qarabağ” bu gün pley-off oyununa çıxacaq

Aynur Camal

Prezidenti Türkmənistanlı həmkarını təbrik edib

Aynur Camal