22 C
Baku
Sentyabr 26, 2022
Siyasət

Şuşa Şəhəri Dövlət Qoruğu İdarəsinə sədr müavini təyin olunub

Şuşa Şəhəri Dövlət Qoruğu İdarəsinə yeni təyinat olub.

Bu barədə Şuşa Şəhəri Dövlət Qoruğu İdarəsindən bildirilib.

Qeyd olunub ki, Qoruq İdarəsinin Tarixi-mədəni irsin qorunması, ərazinin inkişafı və əmlakın idarə olunması şöbəsinin rəisi vəzifəsində çalışmış Tural Novruzov Qoruq İdarəsinin İdarə Heyəti sədrinin müavini vəzifəsinə təyin olunub.

Tural Novruzov 2000-2004-cü illərdə Bakı Dövlət Universitetininin Beynəlxalq hüquq və münasibətlər fakültəsinin beynəlxalq münasibətlər ixtisası üzrə bakalavr, 2004-2006-cı illərdə isə magistr təhsili almış və fərqlənmə ilə bitirib. 2006-2008-ci illərdə Londonda biznes menecment üzrə müxtəlif təhsillər alıb, 2008-2009-cu illərdə ‘‘Diplomatic Academy of London’’ təqaüdünü qazanaraq Londonda Westminster Universitetində Diplomatiya üzrə magistr təhsili alıb. 2016- cı ildə Cambridge Univeristetinə qəbul olub və biznesin idarə edilməsi üzrə (MBA) magistr təhsili alıb. 2021-2022-ci illərdə İsveçin Lund Universitetində ‘‘Şəhərsalmanın təbiətə əsaslanan həllərlə idarə olunmasında innovasiya’’ peşəkar inkişaf proqramını bitirib.

Tural Novruzov 2008-ci ildən Londonda ‘‘Blackstone Group’’ şirkətində daşınmaz əmlak aktivlərinin idarə edilməsi üzrə çalışıb. Daha sonra ‘‘Gilan Holdinq’’də daşınmaz əmlak aktivlərinin idarə edilməsinə rəhbərlik edib. 2019-cu ildən Beynəlxalq şəhərsalma və layihələndirmə şirkəti olan ‘‘Vasconi Architetctes’’ şirkətinin Azərbaycan üzrə rəhbəri olub, Gəncə şəhərinin baş planının hazırlanmasını icra edib. 2021-ci ildən etibarən Şuşa Şəhəri Dövlət Qoruğu İdarəsində Tarixi-mədəni irsin qorunması, ərazinin inkişafı və əmlakın idarə olunması şöbəsinə rəhbərlik edib. Ailəlidir, iki övladı var.

 

Oxşar xəbərlər

ABŞ Azərbaycana dair bəyannamə qəbul edib

Sabina Uğur

Zaporojye AES-lə bağlı tədbirlər görülməsə, dünya uduzacaq

Sabina Uğur

Əfqanıstan Hindistan, Çin və Küveytə uçuşları bərpa edəcək

Sabina Uğur