Bugün.tv xəbər verir ki, Türkiyənin Muğla vilayətinin Datça bölgəsində baş verən meşə yanğınları nəticəsində 19 nəfər xəsarət alıb.
Kənd təsərrüfatı və meşə təsərrüfatı naziri Vahit Kirişkinin sözlərinə görə, 2600 nəfər təhlükəsiz yerə təxliyə edilib.
“Yanğın 500 hektar meşə plantasiyasını məhv edib”, – deyə o əlavə edib.
Datçada meşə yanğınlarının söndürülməsinə ümumilikdə 10 təyyarə, 20 helikopter, 200-dən çox digər texnika və 1200 nəfər cəlb olunub.
