Azərbaycan, Özbəkistan və Türkiyə arasında imzalanan Daşkənd Bəyannaməsində Zəngəzur dəhlizinin açılmasının vacibliyi vurğulanır.
Bəyannamə Daşkənddə Azərbaycan, Özbəkistan və Türkiyənin xarici işlər, ticarət-iqtisadiyyat və nəqliyyat nazirlərinin birinci üçtərəfli görüşünün yekunları üzrə imzalanıb.
Sənəddə tərəflər Azərbaycanın Qarabağ və Şərqi Zəngəzur bölgələrinə sərmayə yatırmaqla münaqişədən sonrakı bərpa, yenidənqurma və reinteqrasiya sahəsində Azərbaycanın səylərinə yardımın vacibliyini vurğulayırlar.
Öz növbəsində Azərbaycan tərəfi Türkiyə və Özbəkistan şirkətlərinin işğaldan azad edilmiş ərazilərinin bərpası və yenidən qurulması üçün infrastruktur layihələrində iştirakını yüksək qiymətləndirir.