Ermənistan silahlı qüvvələrinin bölmələri iyulun 4-nə keçən gecə dövlət sərhədinin Basarkeçər rayonunun Zərkənd qəsəbəsi istiqamətində yerləşən mövqelərdən Dəmirçidam qəsəbəsi istiqamətində də iriçaplı silahlardan Azərbaycan Ordusunun mövqelərini intensiv atəşə tutublar. Bu barədə Azərbaycan Müdafiə Nazirliyi məlumat yayıb.
Azərbaycan Ordusunun bölmələri adekvat cavab tədbirləri görüb.
Hazırda bu istiqamətdə vəziyyət sabitdir, Azərbaycan Ordusunun bölmələri əməliyyat şəraitinə nəzarət edir.