6 C
Baku
30 Yanvar 2023, 4:59
Baş xəbərDigər

Şəhidlər ölməz, vətən bölünməz!

Abşeron rayon İcra Hakimiyyətinin təşəbbüsü, rayon Mədəniyyət Mərkəzinin təşkilatçılığı ilə Xırdalan şəhərində torpaqlarımızın işğaldan azad olunması uğrunda canlarını fəda edən şəhidlərimizin ruhlarına ehtiram məqsədilə mövlud və anım günləri keçirilib.

Tədbirdə Abşeron rayon İcra Hakimiyyəti, şəhid ailələri və rayon ictimaiyyəti iştirak edib. Azərbaycan Respublikasının Dövlət Himni ilə başlanan tədbirdə Ümummilli lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Qəhrəmancasına vuruşaraq, həlak olan Mustafayev Nurlan Hamlet oğlunun, Ağakişiyev Nurlan Etibar oğlunun, Musayev Sahib Musa oğlunun igidliyindən söz açılıb, ruhları anılıb.

 Müzəffər Ali Baş Komandan İlham Əliyevin rəhbərliyi altında Azərbaycanın qələbəsi ilə nəticələnən 44 günlük Vətən Müharibəsində şəhidlərimizin keçdiyi döyüş yolundan danışılıb, onların göstərdiyi xidmətlərdən və şücaətlərdən bəhs edilib. Çıxış edən şəhidlərin ailə üzvləri göstərilən diqqət və qayğıya görə Abşeron rayon İcra Hakimiyyətinə və tədbirin təşkilatçılarına təşəkkürlərini bildiriblər.

Sonda incəsənət nümayəndələrinin iştirakı ilə bədii kompazisiya təqdim edilib.

Oxşar xəbərlər

Anar Kərimovun müvafiq tapşırığı ilə hazırlanan qərarın icrasına başlanılıb

Aynur Camal

Baş prokuror Gəncə şəhərində vətəndaşları qəbul edib

Sevinc Sadıqova

“Ukraynaya Krımı geri almağa yardım etməyə qərarlıyıq”

Aynur Camal

Şərh yazın