2 C
Baku
8 Fevral 2023, 16:54
Baş xəbərDünya

Cənubi Koreyanın dövlət başçısı “Samsung” şirkətinin vitse-prezidentini əfv edib

Cənubi Koreya Prezidenti Yun Sok Yol “Samsung Electronics” şirkətinin korrupsiyada ittiham olunan vitse-prezidenti Li Çje Yonu əfv edib.

“Bugün.tv” “Yonhap”agentliyinə istinadən xəbər verir ki, Li Çje Yon Koreyanın Azadlıq Günü münasibətilə şərti azadlığa buraxılıb, lakin onun hüquqlarının tam bərpası üçün Prezidentin əfvinə ehtiyacı olub. Ədliyyə Nazirliyindən verilən məlumata görə, Prezident bu dəfə 15 avqust bayramı münasibətilə 1 691 nəfəri əfv edib.

Siyahıya “Samsung Electronics”in vitse-prezidenti də daxil idi, lakin korrupsiyada ittiham olunaraq 17 il həbs cəzasına məhkum edilmiş eks-prezident Li Myun Bak bağışlanılanlar arasında yer almayıb. Agentliyin məlumatına görə, o, hazırkı Prezidentin reytinqinin aşağı düşməsi fonunda son anda siyahıdan çıxarılıb. Yun Sok Yol administrasiyası hesab edirdi ki, cəmiyyətdə populyar olmayan Li Myun Bakın əfv edilməsi hazırkı prezidentə dəstək səviyyəsini azalda bilər.

“Samsung Electronics”in vitse-prezidenti Li Çje Yon 2018-ci ildə şərti cəza ilə iki il yarım müddətinə azadlıqdan məhrum edilib. O, keçmiş prezident Pak Kın Xeyə rüşvət verməkdə ittiham olunub.

Oxşar xəbərlər

DİN-nin Mətbuat Xidmətinin şöbə rəisi Elşad Hacıyevin rütbəsi artırılıb

Sevinc Sadıqova

Qafqaz Müsəlmanları İdarəsinin sədri Qazaxıstana səfər edəcək

Aynur Camal

Prezident Rəqəmsal Şəbəkələrin Baş İdarəetmə Mərkəzinin açılışında olub

Sabina Uğur

Şərh yazın