Türkiyənin xarici işlər naziri Mövlud Çavuşoğlu bildirib ki, Türkiyə və Azərbaycan yeni geosiyasi balans yaradıblar.
Bu barədə Çavuşoğlu Daşkənddə Özbəkistanın xarici işlər naziri vəzifəsini icra edən Vladimir Norovla birgə mətbuat konfransında bildirib.
Yüksək rütbəli diplomat Ankaranın Azərbaycanla Ermənistan arasında münasibətlərin normallaşmasına dəstəyini təsdiqləyib.
Çavuşoğlu xatırladıb ki, Azərbaycan və Türkiyə arasında imzalanan Şuşa Bəyannaməsi iki ölkə arasında münasibətləri müttəfiqlik səviyyəsinə gətirib.
“İki ölkə arasında münasibətlər demək olar ki, bütün sahələrdə ən yüksək səviyyədədir”.- deyə o vurğulayıb.