Rusiyanın Xarici İşlər Naziri Sergey Lavrovun Serbiya səfəri Bolqarıstan, Şimali Makedoniya və Monteneqronun hava məkanını bağlamaq qərarına görə ləğv edilib.
Bugün.tv bu barədə xarici mətbuata istinadən xəbər verir. Rusiyanın Bolqarıstandakı səfiri Eleonora Mitrofaona Bolqarıstanın Lavrovun Serbiyaya uçuşu üçün hava məkanını bağlamaq qərarına gəldiyini açıqlayıb. Bolqarıstandan gələn bu xəbərdən sonra Monteneqro Xarici İşlər Nazirliyindəki mənbələr hava məkanını bağlamaq qərarına gəldiklərini ictimaiyyətlə bölüşdülər. Şimali Makedoniyanın da bu istiqamətdə qərar verdikdən sonra, rəsmi səfər ləğv edilib.
Serbiya tərəfi Lavrovun səfərinin hava məhdudiyyətlərinə görə ləğv edildiyini açıqlayıb.
Serbiya tərəfinin ləğv olunduğunu elan etdiyi səfərlə bağlı Moskvadan hələlik rəsmi açıqlama daxil olmayıb.