Rusiya “dost olmayan” xarici ölkələrə bildirib ki, onlar qazın pulunu rublla ödəməyə başlasınlar, əks halda qaz tədarükünü kəsəcək. Vladimir Putin alıcıların “Rusiya banklarında rubl hesabları açması” barədə fərman imzalayıb.
Bugün.tv bu barədə Rusiya mətbuatına istinadən xəbər verir.
“Heç kim bizə pulsuz heç nə satmır, biz də xeyriyyəçilik etmək fikrində deyilik – yəni mövcud müqavilələr dayandırılacaq”, – Rusiya prezidenti bildirib. Cənab Putinin tələbi Qərbin sanksiyalarından əziyyət çəkən rublun məzənnəsini artırmaq cəhdi kimi qiymətləndirilir. Onun fərmanı o deməkdir ki, Rusiya qazının xarici alıcıları Rusiyanın “Qazprombank”ında hesab açıb, ona avro və ya ABŞ dolları köçürməlidirlər.