Rusiya prezidenti Vladimir Putin cümə günü türkiyəli həmkarı Rəcəb Tayyib Ərdoğanla Soçidə görüşəcək. Bu barədə çərşənbə axşamı Kremlin sözçüsü Dmitri Peskov bildirib.
Mətbuat katibinin sözlərinə görə, Rusiya və Türkiyə liderləri ikitərəfli və regional məsələlərə, o cümlədən Ukrayna və Suriyadakı vəziyyətə diqqət yetirəcəklər. İkitərəfli mövzular arasında iqtisadi əməkdaşlıq müzakirə olunacaq.
“Bu, Ukrayna limanlarından taxıl ixracı mexanizminin effektivliyini yoxlamaq üçün yaxşı fürsətdir “deyə Peskov bildirib.