Rusiya xarici işlər naziri Sergey Lavrov taxıl böhranı, Suriyadakı son vəziyyət və Ukrayna müharibəsini müzakirə etmək üçün Türkiyəyə gəlib.
Bu barədə Bugün.tv Türkiyə mətbuatına istinadən məlumat verir. Xarici işlər naziri Mövlud Çavuşoğlu və rusiyalı həmkarı Sergey Lavrov ikitərəfli görüşlərdən sonra kameralar qarşısına keçərək mühüm açıqlamalar verib.
“Müharibədə 3,5 ayı geridə qoyduq və müharibənin verdiyi insan itkilərinin getdikcə artdığını görəndə təəssüflənirik. Türkiyənin müharibə başlayandan bəri nümayiş etdirdiyi prinsipial münasibəti hər kəs bilir. Biz müharibəni bitirmək üçün çox çalışmışıq və bunu davam etdiririk”-M.Çavuşoğlu vurğulayıb.
