Rusiya prezidenti Vladimir Putin Moskvadakı Mandrik Mərkəzi Hərbi Klinik Xəstəxanasına baş çəkib, burada Ukraynada xüsusi hərbi əməliyyat zamanı yaralanan rus hərbçilərinin vəziyyətini yoxlayıb.
Bugün.tv Tass-a istinadən xəbər verir ki, ziyarət zamanı Putini Rusiyanın müdafiə naziri Sergey Şoyqu müşayiət edib.
Səfərin görüntüləri Kremlin Telegram kanalında yayımlanıb. Orada prezident və nazirin tibbi xalatda palatalardan birinə daxil olduqları əks olunub. Onlar müalicə alan hərbçilərlə söhbət ediblər. Daha əvvəl Kremlin mətbuat katibi Dmitri Peskov bildirib ki, prezident “xüsusi hərbi əməliyyat zamanı yaralananlar üçün yaradılan şərait mövzusu ilə daim maraqlanır və nəzarətindədir”.
